Predsjednik Srbije Aleksandar Vučić izjavio je da je sa ruskim predsjednikom Vladimirom Putinom, kome je čestitao 65. rođendan, razgovarao o svim temama važnim za odnose Srbije i Rusije, o ruskim migovima, kao i ranijim dogovorima.
Vučić je rekao da je sa Putinom razgovarao telefonom oko 25 minuta i to na ruskom jeziku.
“Govorili smo o svim temama važnim za odnose Srbije i Rusije, o ruskim migovima i svim našim ranijim dogovorima. Bio je vrlo ljubazan i iskazao zahvalnost i srpskom narodu i Srbiji”, rekao je Vučić.
Kako je dodao, razgovor je trajao oko 20-25 minuta i sve vrijeme su govorili na ruskom.
“Doduše, reagovao je prevodilac jednom ili dvaput. Čestitao sam mu jubilarni 65. rodendan i poželeo dobro zdravlje, politički uspeh u rešavanju problema u svščetu i daljem unapredenju odnosa sa našom zemljom”, naveo je Vučić.
Predsjednik je rekao i da mu je Putin izrazio ličnu zahvalnost za unapređenje odnosa Ruske Federacije i Srbije.
Kako su ranije saopštili iz Vučićevog kabineta, Putin je naglasio da su međunarodne okolnosti takve da Srbija nije u jednostavnom položaju, ali da je uvjeren da će srpski narod, kao i uvijek kroz svoju istoriju, pokazati svoj karakter, i pod vodstvom predsjednika Vučića prevazići sve probleme.
Predsjednik Srbije prenio je i da je dogovoreno da se s ruskim kolegom Putinom u najskorije vrijeme sastane kako bi nastavili rad na povećanju obima saradnje Rusije i Srbije u svim oblastima.
Agencije
